Poslovne vesti - Makedonija

Осетно зголемен бројот на странски туристи во 2013.

Бројот на странски туристи кои ја посетиле Македонија во 2013 година бележи зголемување за 13,8 отсто во однос на претходната година, објави во средата државниот завод за статистика.

Истовремено намалување бележи бројот на домашни туристи од 3,3 отсто, со што вкупниот број на регистрирани туристи во Македонија во 2013 година бележи пораст од 5,8 отсто.

Вкупниот број на ноќевања во периодот јануари- декември 2013 година, во однос на истиот период од претходната година, бележи раст од 0,3 отсто, од што кај домашните туристи има намалување за 4,8 отсто, а кај странските има зголемување за 8,6 отсто.

Податоците за декември, говорат дека вкупно 33 679 туристи оствариле  69 024 ноќевањата.

Бројот на туристите во декември 2013 година ина, е зголемен за 7,3 отсто, а бројот
на ноќевањата е зголемен за 9,1 отсто.

Притоа намалување од 8,5 отсто има кај домашните туристи, додека кај странските бележи пораст од дури 21 отсто.

Најбројни странски туристи во македонија биле од државите од соседството, при што предничат Грците, по што следат државјаните на Бугарија, Србија и Албанија.